نجيب الذيبي ـ القصرين


نجيب الذيبي  هو  شاعر أصيل معتمدية  حاسي الفريد التي تقع في اقليم الوسط الغربي بولاية القصرين له صوت قوي و قصائد لاقت استحسانا و نجاحات كبيرة على المستوى الوطني و كذلك  على المستوى العربي وهذه مقاطع ممّا اشتهر بقولها :


مازلت كي البحر في غضباتي     مازلت كي الواد في طفراتي
و مازلت كي السيل في جهلاتي    ومازلت  كي الموج في طفحاتي
و مازلت كي الزلزال في رقاتي     و مازلت كي لحصان في قمراتي
ومازلت كي البركان في ثوراتي    ومازلت كي الصيد في دهلاتي
ومازلت كي الصقر في هبطاتي       و مازلت كي الجن في صفحاتي
رغم شوايب الدهر مانكستش عْلاماتي     و سجلت ذكرياتي باش نتذكِر وقت امماتي
مازال فمّي حامي       وْ مازالت راكز في القْمم اعلامي
رغم لي عيصامي       مازالوا الدكاترة يشرحو في كْلامي
وْ مازلت مرجع للباحث والمحامي ....
                                       ــــــــــــــــــــــــــ              
هاذا منين البحر ادفق       ووين اغراق      وجت امواجو تتسابق    اطباق اطباق
وهاذا منين الفقر ازرق     على لرفاق       و بانت شمسو تتورق    شعاعه ازياق
وهذا منين  الشعر انطق    مع  الحسّاد    اتبات عليه حلق حْلق     اضواق اضواق
وهذا منين البرق اخفق    و برجو تاق     اتراك امدك  اتحك اغلق   اسواد ازراق 
هاذا امنين القول امرق   على لشفـــاق    ايهرهر  يدفع يدّافق      كيمــــــــا ملاّق
ايطبق فيها اعتق اعتق   اتجي دقـــداق    امدنّي منها جل{ة وْرق   كيما البــرواقْ.